في قصة مشهورة قرأتها قبل كدة بتحكي ان في شخص كان بيحب واحدة فهي طلبت منه انه يجي كل يوم تحت شرفتها يطلبها للزواج لمدة 100 يوم عشان توافق، هو فعلا نفذ طلبها بس جيه عند الليلة 99 و قرر انه ميجيش تاني، زهق رغم انه في الغالب لسة بيحبها ويمكن مش هيحب حد تاني قد حبه ليها، بس هو محسش انه بتبادله نفس الحب ده لأنها لو بتبادله نفس الحب عمرها ما كانت هتخليه يترجي حبها ده كل الليالي ديه.
القصة ديه بتدور في دماغي بقالها فترة، بفكر اني في لحظة من اللحظات ممكن اعمل ده وفي الاغلب هتكون لحظة قريبة من لحظة النهاية السعيدة
انا كل لما يحصل مشكلة بفتكر البداية الحلوة اوي اللي مش منطقي ابدا ان ديه نهايتها،و الذكريات ديه هي اللي بتخليني اكمل بس مؤخرا بقيت اسأل ازاي الأمور وصلت للدرجة، ازاي ابقي شايف الناس السيئة حواليها ومقدرش اقولها خدي بالك منهم عشان متفهمش غلط، ازاي مقدرش ابعت اللي في دماغي من ناحيتها بسهولة زي ما كنت بعمل زمان، ازاي ان خوفي يبقي هو المسيطر عليا وابقي ميال اني اكتفي بالنهاية المبتورة ديه لاني عارف ان السحر اللي عملته و هعمله مش هيكون كافي ابدا...
انا كل لما يحصل مشكلة بفتكر البداية الحلوة اوي اللي مش منطقي ابدا ان ديه نهايتها،و الذكريات ديه هي اللي بتخليني اكمل بس مؤخرا بقيت اسأل ازاي الأمور وصلت للدرجة، ازاي ابقي شايف الناس السيئة حواليها ومقدرش اقولها خدي بالك منهم عشان متفهمش غلط، ازاي مقدرش ابعت اللي في دماغي من ناحيتها بسهولة زي ما كنت بعمل زمان، ازاي ان خوفي يبقي هو المسيطر عليا وابقي ميال اني اكتفي بالنهاية المبتورة ديه لاني عارف ان السحر اللي عملته و هعمله مش هيكون كافي ابدا...
هيظل السؤال ليه كل ده ليه الدنيا ممشيتش حلوة، وليه اتحول لشخص هيخاف من الم جديد يصيبه فيقرر يهرب ويستخبي وخوفه هو اللي يمشيه، ويبقي الحاجة اللي حاول يصلحها فيها تصيبه هو.
التدوينة ديه مثلا نموذج لرسالة مقدرتش ابعتها ومكملتهاش فقررت اكتب اللي في دماغي منها هنا وحتى اللي كتبته ده حاجة مشوشة معرفش انا عاوز ايه مؤكد معرفش هل خلاص خوفي بينتصر ولا ده مجرد أوهام وانا لسة مسيطر.
